ოპოზიცონერი პოლიტიკოსი თეონა აქუბარდია ეჭვობს, რომ საქართველოს ხელისუფლების უარი ნატოს წვრთნებში მონაწილეობაზე მოსამართლეების დასანქცირებასთან არის კავშირში. პოლიტიკოსის თქმით, ჯერ კიდევ 5 აპრილს, როცა აშშ-მ კორუფციასი მხილებული მოსამართლეები დაასანქცირა, საქართველო წვრთნებში მონაწილე ქვეყნების სიაში იყო.
5 აპრილი არის ის თარიღი, როდესაც ამერიკამ დააწესა სანქციები კორუფციაში მხილებული მოსამართლეებისთვის. მე ვვარაუდობ, რომ ამ უარის მიზეზი შეიძლება იყოს ამერიკული სანქციები. ეს არ ხდება ერთ კვირაშ ამის დაგეგმვა, 20-21-შია დაგეგმილი და საქართველოს გაცხადებული ჰქონდა მონაწილეობის სურვილი სწორედ ამ დროს და 5 აპრილის მონაცემებით, როდესაც საქართველო სიაში იყოს, მინისტრი 30 აპრილს ამბობს, რომ საქართველო აღარ არის მონაწილე ქვეყანა, – ამბობს აქუბარდია.
საქართველო ევროპაში შეერთებული შტატების ორგანიზებულ სამხედრო წვრთნებში, „მცველი 23“ -ში (Defender 23) მონაწილეობას არ მიიღებს.
თავდაცვის მინისტრი ამაში პრობლემას ვერ ხედავს. ჯუანშერ ბურჭულაძე ჟურნალისტებს ეუბნება, რომ საქართველო წელს 20 სხვა საერთაშორისო სწავლებაში იღებს მონაწილეობას, ხოლო „კონკრეტული სწავლება შეიძლება იყოს ხარჯებთან დაკავშირებული“.
„ტვ პირველი“
კომენტარები