თუქეთის რესპუბლიკის პარლამენტმა მიიღო ძალიან მნიშვნელოვანი გადაწყვეტილება, რომელსაც 4 წელია ჩვენ და ჩვენი ბიზნესები ველოდებოდით. ეს არი ე.წ. დიაგონალური კუმულაციის შესახებ შეთანხმების შესახებ რატიფიცირება, – – ასე შეაფასა ეკონომიკისა და მდგრადი განვითარების მინისტრმა ნათია თურნავამ 2021 წლის 10 თებერვალს თურქეთის დიდი ეროვნული ასამბლეის მიერ შეთანხმების რატიფიცირება.
მინისტრის განცხადებით, ზოგადად დიაგონალური კუმულაციის ამოქმედება გაზრდის იმ პროდუქციის ასორტიმენტს, რომელთა გატანაც ევროკავშირში იქნება შესაძლებელი, ასევე ის წაახალისებს თურქეთიდან ინვესტიციებს საქართველოს ეკონომიკაში მოზიდვას.
„ეს არის მნიშვნელოვანი ისეთი დარგებისთვის, რომლებიც სამრეწველო წარმოებისთვის თურქეთიდან შემოსულ ნედლეულს იყენებენ. ეს არის არასასურსათო წარმოება, ტექსტილი, სამკერვალო ინდუსტრია, ავეჯის წარმოება, პლასტმასის წარმოება, მინის წარმოება, საშენი მასალების წარმოება და ა.შ. აქამდე იყო გარკვეული შეზღუდვები და თურქეთიდან შემოსული ნედლეულით მიღებული პროდუქცია ვერ სარგებლობდა ევროკავშირის თავისუფალი ვაჭრობის პრეფერენციებით. რატიფიცირების შეთანხმებით ეს შეზღუდვა მოხსნილია. პირველი დადებითი შეფასებები შემოდის ინდუსტრიიდან. განსაკუთრებით ჩვენს სამკერვალო ინდუსტრიას გაუხარდა, რომელიც ძალიან ბევრ ადამიანს ასაქმებს. ეს არის შესაძლებლობა ჩვენი საექსპორტო პოტენციალი გაიზარდოს ევროკავშირთან მიმართებაში და თურქეთმა ისარგებლოს საქართველოს თავისუფალი ვაჭრობის შეთანხმებებით იმისთვის, რომ მეტი გადამუშავება საქართველოში მოხდეს და არა თურქეთში ან რომელიმე სხვა ქვეყანაში“, – განაცხადა თურნავამ.
კომენტარები