ნათია ჯანაშია არ ასახელებს რამდენი ათეული მილიონის გადახდას აპირებდა „ბრიტანული-ქართული აკადემიის“ წილის უკან გამოსყიდვაში – აფბა

„ახალგაზრდა ფინანსისტთა და ბიზნესმენთა ასოციაცია“ – აფბას ხელმძღვანელი, გიორგი კაპანაძე ბრიტანულ-ქართული აკადემიის გარშემო არსებულ დავასთან დაკავშირებით, აკადემიის ყოფილი დირექტორის, ნათია ჯანაშიას მიერ გასაჯაროვებული ახალი დეტალების შესახებ მედიასთან საუბარში განმარტებებს აკეთებს. საქმე ეხება აქციონერებს შორის მოლაპარაკებების პროცესს, რომელიც წილების გამოსყიდვით უნდა დასრულებულიყო.შეგახსენებთ, აფბა „ბრიტანულ-ქართული აკადემიის“ ირგვლივ, აკადემიის ყოფილი დირექტორის, ნათია ჯანაშიას მიერ „საქართველოს განათლების ჯგუფის“ წინააღმდეგ წამოწყებული დავის საზოგადოებრივ მონიტორინგს ახორციელებს.

გიორგი კაპანაძემ ჯანაშიას მიერ დაფინანსებულ მედიარესურსეზე გამოქვეყნებული მასალები გაანალიზა, სადაც მოლაპარაკებების გარკვეული ფრაგმენტია აღწერილი, რის გამოც სრულად ვერ ასახავს იმ პერიოდში მიმდინარე პროცესებს, თუმცა გარკვეულ წარმოდგენებს ქმნის მხარეების პოზიციებზე. კერძოდ, მკაფიოდ ჩანს „საქართველოს განათლების ჯგუფის“ სურვილი, რომ არსებული დავისთვის წერტილი დაესვათ და ნათია ჯანაშიასთვის წილის გაყიდვის საფასურად რეალურად საბაზრო შეფასებით გადაეხადათ წილის ღირებულება.

„ჩვენი მონიტორინგის ფარგლებში გამოიკვეთა გარემოებები, რომელიც წილების შესყიდვასთან არის დაკავშირებული. კერძოდ, პირველ ეტაპზე, 2024 წელს, ნათია ჯანაშიამ „საქართველოს განათლების ჯგუფს“ მიმართა, მათ საკუთრებაში არსებული 70%-იანი წილის უკან გამოსყიდვის სურვილით, რისთვისაც მზაობას გამოთქვამდა, რომ გადაეხადა იმაზე მეტი, ვიდრე თავად გადაუხადეს 2019 წელს. შეგახსენებთ, რომ ნათია ჯანაშიამ 2019 წელს აღნიშნული წილი 29,3 მილიონ ლარად გაყიდა.შესაბამისად ამ შეთავაზებით თავად დაადასტურა, რომ „საქართველოს განათლების ჯგუფთან“ პარტნიორობით ბრიტანულ-ქართული აკადემიის ღირებულება მკვეთრად გაიზარდა“, – ამბობს კაპანაძე.

თავის მხრივ, „საქართველოს განათლების ჯგუფმა“ საპასუხო შეთავაზებით, საჯაროდ გამოხატა მზადყოფნა, ნათია ჯანაშიას საკუთრებაში არსებული 30%-იანი წილის შესყიდვასთან დაკავშირებით და ჯანაშიას მიერ მიწოდებულ თანხაზე 33%-ით მეტიც შესთავაზა.

„საქართველოს განათლების ჯგუფის“ შეთავაზებული თანხა კეთილსინდისიერ გარიგებასთან ერთად, წარმოადგენდა აქციონერებს შორის დავის დასრულებისა და „ბრიტანულ-ქართული აკადემიის“ რეალურ საბაზრო შეფასებას. ჩემთვის დღემდე გაუგებარი რჩება სარფიან წინადადებაზე ნათია ჯანაშიას მხარის მიერ უარის მიზეზი. თუ თავად არ მოწონდათ შემოთავზებული საბაზრო თანხა, გადაეხადათ და გამოესყიდათ „ბრიტანულ-ქართული აკადემიის“ 70%-იანი წილი იმ პროპორციულობით, რაც „საქართველოს განათლების ჯგუფის“ მიერ იყო განსაზღვრული.

ამასთან, ჩვენთვის ასევე გაურკვეველი რჩება, რატომ არ ასახელებს ნათია ჯანაშიას არცერთ ფაქტს და მონაცემს, რომელიც მის სიმართლეს დაადასტურებდა. მათ შორის, ნათია ჯანაშიამ არ ასახელებს რამდენი ათეული მილიონი ლარის გადახდას აპირებდა  „ბრიტანული-ქართული აკადემიის“ წილის უკან გამოსყიდვაში”, – დასძენს გიორგი კაპანაძე.