ნათია ბახტაძის მკვლელობაში ეჭვმიტანილი დააკავეს

გალის მკვიდრს, ნათია ბახტაძის მკვლელობაში ეჭვმიტანილს, აინარ ცვიჟბას ორთვიანი პატიმრობა შეეფარდა. ამის შესახებ გალის რაიონის პროკურორმა ალხას ოთირბამ განაცხადა.

გოგონას ცხედრის ძებნა გრძელდება. ჩართული არიან ნავები, სამართალდამცავები, ადგილობრივი მცხოვრებლები, კინოლოგები, იუწყება GalMedia.

ნათია ბახტაძე მუშაობდა გალის საშუალო სკოლაში, ასწავლიდა რუსულ ენასა და ლიტერატურას. ის 28 ივლისს გაუჩინარდა. 31 ივლისს დედამისმა იამზე აგუმავამ სოციალურ ქსელში გამოაქვეყნა პოსტი დახმარების თხოვნით და მიმართა აფხაზეთის ლიდერს ასლან ბჟანიას, ომბუდსმენს ანას ქიშმარიას, დეპუტატს ტიმურ შერგელიას და აფხაზეთის მოქალაქეებს.

2 აგვისტოს ცნობილი გახდა ეჭვმიტანილი აინარ ცვიჟბას დაკავების შესახებ. მან მკვლელობა აღიარა. მისი თქმით, მან გოგონა 28 ივლისს მოკლა ლექსუსის ავტომობილის სალონში, ხოლო ცხედარი მდინარე ენგურზე, მესამე პერეპადნაიას ჰიდროელექტროსადგურში დაახრჩო.

განზრახ მკვლელობის მუხლი, რომლითაც საქმე აღიძრა, ითვალისწინებს თავისუფლების აღკვეთას ვადით ექვსიდან თორმეტ წლამდე.