სროლა თბილისის ცენტრში – მზიურის პარკთან მდებარე ერთ-ერთ იურიდიულ ფირმაში რამდენიმე საათის წინ 2 გასროლის ხმა გაისმა. შედეგად ერთი პირი დაიჭრა, რომელიც სასწრაფო დახმარებამ საავადმყოფოში გადაიყვანა, ინფორმაციას „მთავარი არხი“ ავრცელებს
დაპირისპირებული მხარეები სამშენებლო სექტორში პარტნიორები არიან და მათ საქმიანობიდან გამომდინარე ერთმანეთში კონფლიქტი ჰქონდათ.
არსებული ინფორმაციით, ისინი კომპანია “ჯიემჯი-ში” იმყოფებოდნენ რა დროსაც ჯერ სიტყვიერი შელაპარაკება მოუხდათ, მოგვიანებით კი რამდენჯერმე გაისროლეს, რის გამოც ერთ-ერთი მეწილე ფეხში დაიჭრა. ის სამედიცინო დაწესებულებაში გადაიყვანეს. მისი მდგომარეობა სტაბილურია.
საქმეზე გამოძიება ორი მუხლით, ჯანმრთელობის განზრახ მძიმე დაზიანებისა და ცეცხლსასროლი იარაღის შეძენა-შენახვა ტარებით მიმდინარეობს. შემთხვევის ადგილზე საგამოძიებო მოქმედებები გრძელდება.
კომენტარები