მას შემდეგ რაც გურიაში, კერძოდ ბუკნარში ქრისტიანებსა და მუსლიმანებს შორის დაპირისპირება შერიგებით დასრულდა, ამ თემაზე ემოციები უფრო გამძაფრდა. სოციალურ ქსელში დღემდე აქტიურად აზიარებენ იმ დღის ფოტოს, როცა ქრისტიანი მასწავლებელი და მუსლიმი მოსწავლე ჩახუტებულები არიან.
ბოლო დროს განვითარებულმა მოვლენებმა, როგორც ჩანს, დეკანოზ პეტრე კოლხს 10 წლის წინანდელი ამბავი გაახსენა, რომელიც გულგრილს ნამდვილად არ დაგტოვებთ…
როგორც მამა პეტრეს მონათხობიდან ირკვევა, მუსლიმი ახალგაზრდა თავისი ნებით მოინათლა ქრისტიანად.
“დაახლოებით ათი წლის წინ აჭარიდან ახალგაზრდა დამიკავშირდა.
თქვენთან შეხვედრა მსურს, მუსლიმ ოჯახში დავიბადე, მაგრამ ქრისტიანობას კარგად მინდა გავეცნო, მერე მოვინათლებიო…
ვერ მოვისვენე, ზაფხული იდგა, დავადექი გზას აჭარისკენ…
შევხვდი, ზღვის სანაპიროზე გავედით. უამრავი ვისაუბრეთ… აზროვნებით, მენტალობით, შინაგანად ქრისტიანი იყო…
ორი-სამი დღე დავრჩი… ჩვენ ვხვდებოდით ერთმანეთს, ვსაუბრობდით, ბევრს ვსაუბრობდით…
მეოთხე დღეს ის ჩემი ნათლული გახდა, პეტრე დავარქვი…”, – წერს პეტრე კოლხი.
კომენტარები