„ტვ პირველი“ რატი მილორავას დაკავების ვიდეოკადრებს ავრცელებს, რომელიც საქმეში დევს. 40 წუთიანი სამხრე კამერების ჩანაწერების გაშიფვრის შემდეგ დგინდება, რომ მილორავას ერთი საპატრულო ეკიპაჟი აჩერებს, რის შემდეგაც ადგილზე კიდევ რამდენიმე ეკიპაჟი მიდის.
ჩანაწერში ისმის მილორავას ხმაც, რომელიც პოლიციელებს ძალადობაზე მიუთითებს და ეუბნება, რომ მათ დაემორჩილება. დაკავებული სთხოვს სამართალდამცველებს, რომ ხელბორკილი გაუხსნან, რადგან გაუსაძლის ტკივილს გრძნობს.
ნუ მექაჩები, გადმოვალ. მტკივა-მეთქი და მომეშვი, რა მოგივიდა? ღმერთს ვფიაცავარ თუ არ დავწყნარდე, თუ მომიშვებთ? მტკივა! ძვლებზე მიჭერს! კისერში ნუ მიჭერ!, – ისმის კადრებში.
პოლიტიკური პარტია „სამართლიანობისთვის” ლიდერის, ეკა ბესელიას ვაჟი რატი მილორავა მოსამართლე მანუჩარ ცაცუამ 5 დღიან ადმიმისტრაციულ პატიმრობაში გაუშვა.
რატი მილორავა პოლიციელის კანონიერი მოთხოვნისადმი დაუმორჩილებლობის ბრალდებით ორი დღის წინ დააკავეს.
ეკა ბესელიამ მალევე გაავრცელა ცნობა, რომ მისი შვილის დაკავებისას პოლიციამ დაკავებულზე იძალადა.
კომენტარები