ძალიან მიხარია, რომ ჩემს მეგობრებს ციხეში არ ვიხილავ, – აღნიშული პოსტით „ნაციონალური მოძრაობის“ წევრი ხატია დეკანოიძე ჯაფარიძე-ხაზარაძის საქმეზე მიღებულ გადაწყვეტილებას გამოეხმაურა.
მისივე თქმით, უნდა გვახსოვდეს, რომ ივანიშვილი თუ რამეს ერიდება კიდევ (მცირედით) ჩვენი საერთაშორისო პარტნიორები არიან.
“ძალიან მიხარია, ჩემს მეგობრებს ციხეში არ ვიხილავ.
– მთელი ქვეყანა, რომ ივანიშვილის გადაწყვეტილებას ელოდებოდა – ყველაზე დიდი სიმახინჯეა ჩვენი დღევანდელობის;
– უნდა გვახსოვდეს, რომ ივანიშვილი თუ რამეს ერიდება კიდევ (მცირედით) ჩვენი საერთაშორისო პარტნიორები არიან. მათზე დიდი მოკავშირე ჩვენ არ გვყავს, ამიტომ ოპოზიციაც მათ მთავარ მოკავშირედ უნდა გადაიქცეს.
– ბრძოლას და მუშაობას აზრი აქვს“, – აცხადებს დეკანოიძე.
ცნობისთვის, 3-წლიანი სასამართლო პროცესის შემდეგ სასამართლომ მამუკა ხაზარაძეს, ბადრი ჯაფარიძესა და ავთანდილ წერეთელს ფულის გათეთრების მუხლი ჯგუფურად ჩადენილი დიდი ოდენობის თაღლითობის მუხლით გადაუკვალიფიცირა, დამნაშავედ სცნო და სამივეს 7 წლით თავისუფლების აღკვეთა მიუსაჯა. თუმცა, დანაშაულის ხანდაზმულობის გამო მათ არ დააპატიმრებენ.
კომენტარები