მთავრობის ახალი შემადგენლობა მომავალ კვირას დამტკიცდება – ამის შესახებ საქართველოს პარლამენტის თავმჯდომარემ, შალვა პაპუაშვილმა ,,პირველ არხს” განუცხადა.
როგორც შალვა პაპუაშვილმა აღნიშნა, შემდეგ კვირაში როგორც სალომე ზურაბიშვილის პარლამენტში გამოსვლა ისე ახალი მთავრობის დამტკიცება მოხდება. მის ყოველწლიურ ანგარიშს კი პარლამენტის თავმჯდომარე მომავალ სასესიო კვირაში წარადგენს.
„განხილვა რამდენიმე დღეზე გადანაწილდება. ჩვენი მიზანია, მომავალ კვირას დავამტკიცოთ მთავრობის შემადგენლობა. სალომე ზურაბიშვილის გამოსვლაც იქნება, რადგან, რეგლამენტით, საგაზაფხულო სესიის პირველ დღეს არის მისი მიმართვა. ყველა ეს პროცესი მომავალ კვირაში დასრულდება. ჩემს ყოველწლიური ანგარიშს თებერვლის მომავალ სასესიო კვირაში წარვადგენ“, – განაცხადა პაპუაშვილმა.
კომენტარები