საქართველოს მთავრობას ამ დრომდე არ მიუცია თანხმობა პრეზიდენტისთვის, ბრიუსელში ვიზიტთან დაკავშირებით. ინფორმაციას მედიისთვის, პრეზიდენტის ადმინისტრაცია ავრცელებს.
“15 მაისს ძალში შევიდა პუტინის განკარგულება პირდაპირი ფრენების აღდგენის შესახებ. 15 მაისსვე საქართველოს მთავრობამ დაუყოვნებლივ გასცა თანხმობა.
27 აპრილს მთავრობამ მიიღო მიმართვა 31 მაისს პრეზიდენტის ბრიუსელში ვიზიტთან დაკავშირებით. საქართველოს მთავრობას ამ დრომდე თანხმობა არ გაუცია,” – აცხადებს პრეზიდენტის ადმინისტრაცია.
სალომე ზურაბიშვილის მიმართვა ევროპარლამენტში 31 მაისსაა დაგეგმილი.
შეგახსენებთ, რომ თავდაპირველად, სალომე ზურაბიშვილი ევროპარლამენტში სიტყვით 18 აპრილს უნდა გამოსულიყო, თუმცა, მოგვიანებით ვიზიტი გადაიდო. მიზეზად მაშინაც მთავრობის მხრიდან, ხელოვნურად გაჭინურებული თანხმობა დასახელდა.
კომენტარები