სარესტორნე ბიზნესის მხარდაჭერის მიზნით სესხების სუბსიდირების პროგრამა იწყება.
საკითხის განხილვა დღეს ქვეყნის პრემიერ-მინისტრთან გიორგი გახარიასთან მოხდება. ამის შესახებ ინფორმაცია სახელმწიფო პროგრამის „აწარმოე საქართველოში“ წარმომადგენელმა ანა მაჭავარიანმა დაადასტურა.
მისივე თქმით, სააგენტოს მიერ მომზადებულია პროექტი, რომელიც სარესტორნე ბიზნესის მხარდაჭერის მიზნით სესხების სუბსიდირებას ითვალისწინებს
. „ჩვენი სააგენტოს მიერ მომზადებული, სარესტორნე სესხების სუბსიდირების პროექტი დღეს მთავრობის მეთაურთან გიორგი გახარიასთან შეხვედრაზე განიხილება“, – განაცხადა ანა მაჭავარიანმა.
„2020NEWS“-ის ექსკლუზიური ინფორმაციით, მთავრობა სარესტორნე სფეროს წარმომადგენლებს სესხების 80 პროცენტს დაუფინასებს.
როგორც ქვეყნის-პრემიერმა გიორგი გახარიამ მთავრობის სხდომის დაწყებამდე განაცხადა, ბიზნესის მხარდაჭერისათვის გათვალისწინებულია 430 მილიონი ლარი.
შეგეხსენებთ, კორონავირუსის პრევენციის გამო დაწესებული შეზღუდვების შედეგად, სარესტორნე ბიზნესი მნიშვნელოვნად დაზარალდა.
როგორც სფეროს წარმომადგენლები აცხადებენ, სუბსიდირების გარეშე მუშაობის გაგრძელებას შეზღუდვების მოხსნის შემდეგაც ვერ შეძლებენ.
კომენტარები