მიტროპოლიტი ქრისტეფორე (წამალაიძე) სოციალურ ქსელში, რამდენიმე წერილს აქვეყნებს, ერთი წერილით ის მრევლს მიმართავს, მეორე წერილით კი, მოსაყდრეშიოსა და წმინდა სინოდს:
საყვარელო მრევლო,
1999 წლის 2 თებერვალს წმინდა სინოდალურმა კომისიამ ერთხელ და სამუდამოდ დაადასტურა ჩემი უდანაშაულობა და გააქარწყლა ყველა უსამართლო ბრალდება. თქვენ წინაშე ვდგავარ სუფთა სინდისითა და სრული პასუხისმგებლობით.სიყვარულით მოგმართავთ — მსურს მივიღო მონაწილეობა პატრიარქის არჩევნებში და მთელი გულით ვემსახურო ჩვენს ეკლესიას, ჩვენს ერთობასა და სულიერ სიმტკიცეს.მჯერა, რომ ეკლესიის მომავალი თითოეული ჩვენგანის პასუხისმგებლობაზე დგას. თქვენი ნდობა არის ძალა, რომელიც განსაზღვრავს ჩვენს საერთო მომავალს.
სიყვარულით და პატივისცემით,ქრისტეფორე წამალაიძე
…
1999 წლის 2 თებერვალს წმინდა სინოდალურმა კომისიამ დაადგინა და გამართლებულად ჩათვალა ჩემი სამშობლოდან უცხოეთში დროებით განრიდება, რასაც წინ უძღოდა ჩემი დაუსრულებელი დევნა-შევიწროება და იარაღით მუქარა.
წმინდა სინოდის მიერ შექმნილმა სინოდალურმა კომისიამ თავის მიერ გამოტანილ დასკვნაში აბსოლუტურად გამართლებულად სცნო ჩემი დროებით გასვლა სამშობლოდან და მიზანშეწონილად აღიარა ჩემი ეპარქიაში დაბრუნება მღვდელმთავრული მოღვაწეობისათვის. სამწუხაროა, რომ წმინდა სინოდმა დღემდე არ მოახდინა სინოდალური კომისიის დასკვნის სისრულეში მოყვანა.
სურვილი მაქვს, როგორც სინოდალური კომისიის მიერ აბსოლუტურად გამართლებულმა მღვდელმთავარმა და ჩემი სამშობლოს შვილმა, მივიღო მონაწილეობა კათოლიკოს-პატრიარქის არჩევნებში,
კომენტარები