პარლამენტის წევრი, სავალან მირზოევი InterPress.ge- სთან ინტერვიუში აცხადებს:
“ნიკა გურამიამ დაუყოვნებლივ უნდა მოიხადოს ბოდიში მუსლიმებს! მე მკაცრად ვგმობ ნიკა გვარამიას ამ განცხადებებს და მსურს ბოდიში მოიხადოს მუსლიმი ქართული საზოგადოების წინაშე. ეს არ არის პირველი შემთხვევა, როდესაც გვარამია და სხვები ეხებიან ხალხის რელიგიურ და ეროვნულ მრწამსს. ნიკა გვარამიას გამოსვლას, მუსლიმების მიმართ შეურაცხყოფად მივიჩნევ. არავინ უნდა გამოიყენოს ჩემი ან სხვისი რელიგია ასეთი უსიამოვნო შედარებებისთვის.”
შეგახსენებთ, “მთავარი არხის” გენერალური დირექტორმა ნიკა გვარამიამ ბიძინა ივანიშვილის წერილის იმ ნაწილის შეფასებისას, სადაც ოლიგარქი მედიის შესახებ წერს, თქვა:
“ნახევრად ხუმრობით ვიტყვი, რომ პრაქტიკულად უწერია, რომ სააკაშვილი ალაჰი და მოციქული მისი მუჰამედი გვარამია, ეს კაცი არ არის სტაბილური სააკაშვილის ნიადაგზე პირველ რიგში და მეორე რიგში ჩემს ნიადაგზეც.“
კომენტარები