ნეპალელი კჰაგენდრა თჰაპა მაგარი, რომელიც მსოფლიოში ყველაზე პატარა ადამიანად მიიჩნეოდა, 27 წლის ასაკში გარდაიცვალა,-ინფორმაციას პორტალი The Straits Times-ი მის ოჯახზე დაყრდნობით ავრცელებს.
მაგარი სიმაღლით 67.08 სანტიმეტრი იყო. ის ქალაქ პოკჰარის საავადმყოფოში პნევმონიის შედეგად გარდაიცვალა, სადაც მშობლებთან ერთად ცხოვრობდა.
მაგარი გინესის რეკორდების წიგნში 2010 წელს შევიდა. გარკვეული პერიოდის განმავლობაში მან გინესის რეკორდის მფლობელის სტატუსი დაკარგა, რადგან 2015 წლამდე, ყველაზე პატარა ადამიანად ინდიელი ჩანდრა ბაჰადურ დანგი მიიჩნეოდა, რომელიც სიმაღლით 54,6 სანტიმეტრი იყო.
სიცოცხლის განმავლობაში, მაგარი უამრავ ქვეყანას ეწვია და მონაწილეობა მიიღო როგორც ევროპულ, ასევე ამერიკულ სატელევიზიო შოუებში.
ნეპალელმა თავისი შესაძლებლობა ტურისტებს შორის ქვეყნის გასაცნობად გამოიყენა. მაგარს ყველაზე პატარა ადამიანი უწოდეს, რომელიც ევერესტის მაღალ მთაზე ცხოვრობს.
ამჟამად ყველაზე პატარა ადამიანად კოლუმბიელი, ედუარდ ერნადესი მიიჩნევა, რომლის სიმაღლე 70.21 სანტიმეტრია.
კომენტარები