სულთან ქოსენი, მსოფლიოში ყველაზე მაღალი ადამიანი, რომელიც სიმაღლეში 2 მეტრი და 51 სმ-ია სოციალურ მედიაში კვლავ გამოჩნდა, თუმცა ამჯერად სიყვარულის საპოვნელად.
გიგანტი მამაკაცი თავის უჩვეულო სიმაღლეს არ ეჩაგვრინება და უკვე 120-ზე მეტ ქვეყანას ეწვია, იმუშავა ფერმერად, ცირკის მსახიობად და საპატიო ელჩადაც კი მშობლიურ თურქეთში.
41 წლის სულთან ქოსენს ჰიპოფიზის გიგანტიზმი აქვს, რაც ნიშნავს, რომ მისი ორგანიზმი განუწყვეტლივ წარმოქმნის ზრდის ჰორმონებს. მან ყველაზე მაღალი ადამიანის გინესის რეკორდი 2009 წელს დაამყარა და მას შემდეგ ვერავინ შეძლო მისი მოხსნა. ქოსენი 5 და-ძმიდან ერთ-ერთია, მისი ოჯახის დანარჩენი წევრები კი ყველანი “ნორმალური” სიმაღლის არიან.
2018 წელს ქოსენი მსოფლიოს ყველაზე პატარა ქალთან, ჯიოტი ამგესთან ერთადაც გამოჩნდა. 2.51 მეტრიანი ქოსენის და სულ რაღაც 60 სმ სიმაღლის ამგეს პირველი შეხვედრა 6 წლის წინ, ეგვიპტის პირამიდებთან შედგა.
2009 წელს დიდ ბრიტანეთში პირველი ვიზიტისას ქოსენმა თქვა, რომ იმედი ჰქონდა, პოპულარობა მის ცხოვრებას შეცვლიდა და ცოლის პოვნაში დაეხმარებოდა. მან ეს ოცნება 2013 წელს აისრულა და სირიელ ქალ მერვე დიბოზე იქორწინა. პატარძალმა, რომელიც იმ დროს 20 წლის იყო, ინტერვიუში თქვა: “თავიდან ყველა მეუბნებოდა, რომ მისი სიმაღლის გამო ცოლობაზე უარი უნდა მეთქვა, მაგრამ მე მისი სიმაღლე საერთოდ არ მაწუხებს.”
სამწუხაროდ, წყვილი 2021 წელს განქორწინდა. მათ მთავარ პრობლემად ენობრივი ბარიერი დაასახელეს, რადგან ქოსენი მხოლოდ თურქულად ლაპარაკობს, მისი ცოლი კი მხოლოდ არაბულად.
ქოსენისთვის დღემდე ყველაზე მნიშვნელოვან ოცნებად ოჯახის შექმნა რჩება. წარუმატებელი ქორწინებით გულგატეხილმა გიგანტმა გადაწყვიტა, თავისი ერთადერთი სიყვარულის საპოვნელად მსოფლიოს გარშემო ემოგზაურა. ამ დრომდე მან უკვე 127 ქვეყანა მოინახულა, თუმცა იმ ერთადერთს ჯერაც ვერ შეხვდა.
კომენტარები