ვერ გადაეჩვივნენ ქართველი პოლიტიკოსები იმის მცდელობას, რომ კანონები მოარგონ მათ ამწუთიერ ინტერესებს – ექსპერტი თვითმმართველობის საკითხებში ირაკლი მელაშვილი გიორგი გახარიას განცხადებას გამოეხმაურა, რომელიც ამბობს, რომ საკრებულოებში თავმჯდომარეების ასარჩევად ღია კენჭისყრები უნდა ჩატარდეს.
“გახარიას უთქვამს, საკრებულოებში თავმჯდომარის არჩევნებზე ღია კენჭისყრები ჩავატაროთო. ვერ გადაეჩვივნენ ქართველი პოლიტიკოსები იმის მცდელობას, რომ კანონები მოარგონ მათ ამწუთიერ ინტერესებს.
არადა ფარული კენჭისყრები თავის დროზე სწორედ იმისთვის მოიფიქრეს დემოკრატიულ ქვეყნებში, რომ ხელისუფლებების და ძლიერთა ამა ქვეყნისათა მხრიდან არჩევითი ორგანოების წევრებზე ზეწოლის შესაძლებლობები შეემცირებინათ. ვერ ხვდებით, რომ ამით ხელისუფლების და სუსის საქმეს აკეთებთ, რადგანაც ამ გზით უადვილებთ მათ თავიანთი მომხრეების ნების გაკონტროლების საშუალებას? მსგავსი სიბეცე არ მინახავს. მერე იტყვიან ასეთ ქვეყანაში რატომ ვცხოვრობთო!
P. S. პერსონალურ საკითხებზე კენჭისყრის ფარულობა, რომ პოლიტიკური ნების თავისუფლად გამოხატვის დემოკრატიული პრინციპია და ზოგადად ეს ინიციატივა ეწინააღმდეგება საუკუნეების განმავლობაში დამკვიდრებულ დემოკრატიულ ტრადიციას, ღია კენჭისყრები საბჭოთა წარსულიდან რომაა, ასეთ “წვრილმანებზე” უკვე აღარ ვწერ!” – წერს ირაკლი მელაშვილი.
კომენტარები