მოსკოვის დიდ თეატრში საოპერო წარმოდგენა “სადკოს” დადგმისას, სასცენო დეკორაცია დაეშვა და 37 წლის მსახიობს – ევგენი კულეშს დაეცა.
BBC-ის ცნობით ახალგაზრდა მსახიობი ადგილზევე დაიღუპა. სავარაუდოდ მსახიობს მიმართულება აერია და იქ დადგა, სადაც ახალი დეკორაცია უნდა დაშვებულიყო.
სოციალურ ქსელში ვრცელდება ვიდეოკადრები, რომელშიც სხვა შემსრულებლები ყვირიან და ტექნიკურ ჯგუფს კონსტრუქციის აწევას სთხოვენ. წარმოდგენა შეწყდა და მაყურებელს დარბაზი დაატოვებინეს.
ახალი დეკორაცია, რომელმაც მსახიობი იმსხვერპლა დაახლოებით 2 ტონას იწონის.
მოსკოვის დიდი თეატრის სცენაზე ეს მეორე უბედური შემთხვევაა, მას შემდეგ, რაც, 2013 წელს, მევიოლინე ვიქტორ სედოვის დაღუპვის მიზეზი მოსკოვის დიდი თეატრის საორკესტრო ორმოში ჩავარდნა გახდა.
კომენტარები