საქართველოს საპატრიარქოს პრეს-მდივანი ოკუპანტ ქვეყანასთან კავშირშია მხილებული. მამა ანდრია ჯაღმაიძე მისი სამივე შვილისთვის რუსეთის მოქალაქეობას ითხოვს. რუსეთის სახელმწიფოსთვის პატრიარქის კარზე ერთ-ერთი ყველაზე გავლენიანი სასულიერო პირის კავშირი ტვ პირველისთვის ცნობილი სუს-იდან გამოჟონილი ფაილებიდან გახდა.
სასულიერო პირმა დახმარება რუსეთთან ურთიერთობის საკითხებში საქართველოს სპეცწარმომადგენელს სთხოვა. ზურაბ აბაშიძე მამა ანდრია ჯაღმაიძის სამ შვილის რუსეთის მოქალაქეობის მიღებაში მარტო ვერ დაეხმარებოდა. მას გავლენიანი ქართველი მღვდლის ოჯახის წევრებისთვის რუსული პასპორტების გაცემა გრიგორი კარასინისთვის უნდა ეთხოვა. ზურაბ აბაშიძე ტვ პირველის კითხვებმა ისე დააბნია, რომ კომენტარი საერთოდ არ გააკეთა.
შეკითხვას, რისთვის ითხოვდა დეკანოზი ანდრია ჯაღმაიძე თავისი შვილებისთვის რუსულ პასპორტებს, სასულირო პირი არ პასუხობს. უცნობია ისიც, შეუსრულა თუ არა მას ზურაბ აბაშიძემ თხოვნა.
ანდრია ჯაღმაიძე ლევან ვასაძის ახლო მეგობრის და პატრიაქრის მოსაყდრის, მეუფე შიოს, უახლოესი გარემოცვის წევრია. თავად წლების განმავლობაში რუსეთში მსახურობდა და ლევან ვასაძესთან ახლო კავშირი აქვს. დღემდე ჯაღმაიძე ვასაძის აშენებულ ეკლესიაში მსახურობს. ლევან ვასაძის ყოფილ თანამბერძოლს, კონსტანტინე მორგოშიას, ანდრია ჯაღმაიძის რუსული კავშირები არ უკვირს.
სუს-ის საიდუმლო ფაილებში ანდრია ჯაღმაიძეს ლამის ერთ ტომი ეთმობა, ნაწილი მის რუსულ კავშირებს, დანარჩენი კი იმ ადამიანების წინააღმდეგ არაფორმალურ ბრძოლასაც, ვინც საპატრიარქოს აკრიტიკებს.
„ტვ პირველი“
კომენტარები