“მოქმედ მერს ვეტყოდი, გაზარდე ხელფასები, მესმის, შემდეგი ტრანსპორტი იქნება, მერე ბაღები…” – გიგი უგულავა

თბილისის ყოფილი მერი, გიგი უგულავა, აქვეყნებს ვიდეოს და წერს:

“ასე იწყებოდა ეს საქმე.

მგონი აქ 2011 წელია.

გაივლის წლები და აქ რაზეც ვლაპარაკობ, ბუნკერების დაკეტვის გამო დამატებით ხალხის აყვანა, ბრალად წარმედგინება. აქ მყოფი რამდენიმე პირი ციხის შიშით ჩვენებას დაწერს.

ეგ არაფერია. მთავარია მაშინ ჩვენ შევძელით და ნაგავთან ერთად გავაქრეთ ვირთხები და ტარაკნები. არ დაგიმალავთ და ყველაზე მეტად დასუფთავება მიმაჩნდა მთავარ საქმედ და მიღწევად- სისუფთავეზე ბავშვობიდან პათოლოგია მჭირს- მაგრად გავმწარდი და თანაც მეცინებოდა რომ დასუფთავების გამო მასამართლებდა ივანიშვილი.

დღეს კი მოქმედ მერს ვეტყოდი გაზარდე ხელფასები. მესმის, შემდეგი ტრანსპორტი იქნება, მერე ბაღები. გაზარდეთ ხელფასები-პანდემიამ და ლარის გაუფასურებამ ეს გარდაუვალი გახადა. თუ ნებით არ გაზრდით, ძალით მოგიწევთ. სირცხვილია მერის შტაბს რძე სდიოდეს სიმდიდრისგან, ქალაქი კი ნაგავში იხრჩობოდეს ამ სიცხეშიპ.ს. იმის მიუხედავად ვინ სადაა დღეს, მადლობა ყველას, ვინც ამ დიდ და ისტორიულ საქმეში მიიღო მონაწილეობა”