მომღერალი რ. კელი ბავშვთა პორნოგრაფიის წარმოებაში დამნაშავედ ცნეს

მომღერალი რ. კელი ბავშვთა პორნოგრაფიის წარმოებაში დამნაშავედ ცნეს.

2019 წლის ივლისში მუსიკოსი დააკავეს და ბრალი წაუყენეს ძალადობისთვის, არასრულწლოვანებთან ურთიერთობისთვის და შანტაჟისთვოს – სულ 13 მუხლით. რ. კელი თავს დამნაშავედ ცნობს, იუწყება CNN.

ცნობილი ამერიკელი მომღერალი და პროდიუსერი რ. კელი ბავშვთა პორნოგრაფიისა და არასრულწლოვანთა შეურაცხყოფის საქმეში 13-დან ექვს პუნქტში დამნაშავედ ცნეს.

ნაფიც მსაჯულები საქმეს დაახლოებით 11 საათის განმავლობაში განიხილავდნენ.

55 წლის რ. კელი დამნაშავედ ცნეს ბავშვთა პორნოგრაფიაში სამი მუხლით და ბავშვზე ძალადობაში ასევე სამი მუხლით.

თუმცა, იგი გაამართლეს შვიდი მუხლით, მათ შორის მართლმსაჯულების ხელის შეშლასთან დაკავშირებულ ყველა ბრალდებაში.

ვრცელდება ინფორმაცია, რომ ბავშვთა პორნოგრაფიასთან დაკავშირებული თითოეული მუხლი 20 წლამდე თავისუფლების აღკვეთას ითვალისწინებს, არასრულწლოვნის შეცდენის ბრალდება კი 10 წლამდე თავისუფლების აღკვეთას გულისხმობს.

პროკურატურამ რ. კელი ხუთ არასრულწლოვანთან სექსუალურ ურთიერთობაში დაადანაშაულა. ნაფიცმა მსაჯულმა მომღერალი დამნაშავედ ცნო სამი გოგონას ცდუნებაში და გაამართლა ის ორ სხვა მსხვერპლთან მიმართებით.

აღნიშნულია, რომ ნაფიცმა მსაჯულებმა 30-ზე მეტი მოწმის ჩვენება მოისმინეს და სექსუალური ძალადობის დამადასტურებელი სამი ვიდეო ნახეს.

რ. კელი უკვე იხდის 30 წლიან სასჯელს ამერიკულ ციხეში. ივნისის ბოლოს ბრუკლინის ფედერალურმა სასამართლომ ჰიტის I Believe I Can Fly ავტორი დამნაშავედ ცნო ცხრა ბრალდებაში, მათ შორის სექსუალური დანაშაულებსა და ადამიანებით ვაჭრობაში.