“მოლდოვა, საქართველო, პოლონეთი რომ იყვნენ დაკავებულნი თავიანთი ტერიტორიების დაბრუნებით, ეს დაგვეხმარებოდა” – დანილოვი

უკრაინული მედიის ცნობით, ეროვნული უსაფრთხოებისა და თავდაცვის საბჭოს მდივანმა ალექსეი დანილოვმა თქვა:

“მთიანმა ყარაბაღმა დღეს მის ტერიტორიაზე საომარი მდგომარეობა გამოაცხადა, რუსეთმა იქიდან (სომხეთიდან) ჯარები გაიყვანა და ჩვენს ქვეყანაში გამოგზავნა გასულ კვირას. ჩვენ თვალყურს ვადევნებდით ამ კოლონებს, გვესმის, რომ რუსეთი დახმარებას პირდება მთიან ყარაბაღს და სომხეთს, მაგრამ ნაკლებად სავარაუდოა, რომ იქ ეს დახმარება გამოჩნდება.

მას შემდეგ, რაც იაპონიამ განაცხადა, რომ კურილის ქედის ოთხი კუნძული უშუალოდ იაპონიას ეკუთვნოდა, რუსეთმა იქ წვრთნები დაიწყო.

ჯერ-ჯერობით უცნობია, როგორ დასრულდება ეს ვითარება. მაგრამ თუ რუსეთის ფედერაციისთვის გაიხსნება მეორე ფრონტი, რომელიც მან ხელოვნურად შექმნა თავისი ქმედებებით თავის მოკლე ისტორიაში, ისინი ძალიან დაგვეხმარებიან.

საქართველო, რბილად რომ ვთქვათ, არც თუ ისე სწორად იქცევა… მაგრამ დნესტრისპირეთიც და საქართველოც რომ იყოს დაკავებულნი თავიანთი ტერიტორიების დაბრუნებით… უფრო მეტიც, პოლონეთი… ჯერ ოფიციალურად არ გამოუთქვამს პრეტენზია კალინინგრადის რეგიონზე, ეს აუცილებლად დაგვეხმარება, რადგან მათ (რუსეთს) რაღაც ექნებოდათ გასაკეთებელი, გარდა იმისა, რომ გაანადგურონ ჩვენი ქალაქები და სოფლები, დახოცონ ჩვენი ბავშვები და ქალები“