ოსი მოკრივე გიორგი გაგლოევი ავრცელებს ვიდეომიმართავს, რომლითაც ის ჩეჩნეთის რესპუბლიკის პრეზიდენტს, რამზან კადიროვს სთხოვს მამიდის რიმა გაგლოევის გათავისუფლებაში დახმარებას.
ამის შესახებ ინფორმაციას ჩრდილოეთ კავკასიის 3 რესპუბლიკის – ჩრდილოეთ ოსეთის, ინგუშეთისა და ჩეჩნეთის მედია ავრცელებს.
რუსეთის შინაგან საქმეთა სამინისტრო, ჩრდილოეთ ოსეთის რესპუბლიკის მოქალაქეს, რიმმა გაგლოევას ეძებს, რომელიც გროზნოდან ბესლანისკენ მიმავალ გზაზე გაუჩინარდა.
რიმა გაგლოევის გაუჩინარება ჩრდილოეთ ოსეთის, ინგუშეთისა და ჩეჩნეთის ლიდერების, სერგეი მენიალოს, მაჰმუდ-ალი კალიმატოვსა და რამზან კადიროვს შორის საუბრის თემა გახდა.
“მე უკვე ვესაუბრე ტელეფონით მეზობელი რესპუბლიკების მეთაურებს. გამოძიება პირად კონტროლზეა აყვანილი – ჩემი და ჩემი კოლეგების მიერ ჩეჩნეთისა და ინგუშეთის რესპუბლიკებიდან. დამყარდა მჭიდრო ურთიერთკავშირი სამივე რეგიონის ძალოვან სტრუქტურებს შორის – ყველა ძალა ჩართულია უგზო-უკვლოდ დაკარგულთა ძებნაში.” – განაცხადა ჩრდილოეთ ოსეთის მთავრობის მეთაურმა მენიაილომ.
ინგუშეთის საგამოძიებო კომიტეტის დეპარტამენტმა ორი ან მეტი პირის გატაცების მუხლით გამოძიება დაიწყო.
ქართლი.გე
კომენტარები