ტვ პირველის ინფორმაციით, “რიონის მცველები” ისევ უმწვავეს პროტესტს აანონსებენ – მათი თქმით, თუ ერთი კვირის განმავლობაში მთავრობა არ იტყვის, რომ კომპანია “ენკასთან” ხელშეკრულება გაწყვიტა და არ გაირკვევა, საბოლოოდ, რა ბედი ელის სადავო პროექტს, რიონის მცველები ისევ კარვების გაშლას აპირებენ.
ხელისუფლების ინტერესშია ამ პროცესების დროში გაწელვა. ისინი არაფერს კარგავენ, ადამიანები კი ჯანმრთელობის პრობლემებს იქმნიან. თუ 1 კვირის ფარგლებში პასუხი არ იქნება, ჩვენ იძულებული გავხდებით გავააქტიუროთ პროტესტი – ამბობს მარიტა მუსელიანი.
ვარლამ გოლეთიანის განცხადებით კი ხელისუფლევბამ მათთან ურთიერთობისას იგნორის ფორმა აირჩია, პროცესი კი სრულ ვაკუუმშია.
რეალურად ხდება მათი დანაშაულის გადაფარვა, რაც მათ ამ საქმეში მიუძღვით. ან გამოვიდნენ კომუნიკაციაზე და იმ კითხვებს გასცენ პასუხი, რაც საკითხთან დაკავშირებით არსებობს, წინააღმდეგ შემთხვევაში, რა თქმა უნდა, კანონის ფარგლებში მოგვიწევს, იმ პროცესის გააქტიურება, რაშიც თვეების წინ ვიყავით”- უთხრა “ტვ პირველს” ვარლამ გოლეთიანმა.
კომენტარები