ირინა სარიშვილი სოციალურ ქსელში მიმართვას ავრცელებს:
„მოგმართავთ ყველას, ვისაც აწუხებს საქართველოს მესამე პრეზიდენტის ჯანმრთელობის მდგომარეობა და ეძებს გამოსავალს!
მოდით, სანამ რა უნდა გავაკეთოთ, ამას გადავწყვეტთ, რა არ უნდა გავაკეთოთ, ამაზე შევთანხმდეთ.
საქართველოს ხელისუფლება ხედავს რომ მას ძალაუფლება ხელიდან ეცლება და ყველაფერზე წამსვლელია რომ ეს არ მოხდეს.
ხელისუფლებამ მშვენივრად იცის, ვინ და რა გარემოებაა ამის მიზეზი: ეს გახლავთ პოლიტიკური პატიმარი – საქართველოს მესამე პრეზიდენტი მიხეილ სააკაშვილი და მისი შიმშილობა ციხეში.
ხელისუფლებამ იცის რომ დღევანდელი პროტესტის მუხტის ძირითადი მიზეზი, ისევე როგორც თუნდაც დროებითი, მაგრამ მაინც ოპოზიციური ერთიანობის, გახლავთ ციხეში მყოფი მიხეილ სააკაშვილის უპრეცედენტო თავდადება და მას ყველაზე მეტად სწორედ ამის ეშინია.
ხელისუფლების მოქმედებები ერთის მხრივ აგონიურია, მეორეს მხრივ, ის თითქოს რაღაცას ელოდება.
რას შეიძლება ელოდებოდეს ხელისუფლება? ერთადერთ რამეს – ამ მუხტის და ერთობის გაქრობას ან არასწორი მიმართულებით წასვლას. ეს არასწორი მიმართულება კი შეიძლება იყოს საზოგადოების მხრიდან ოპოზიციის და არა ხელისუფლების დადანაშაულება მიხეილ სააკაშვილი რომ ციხეშია, შიმშილობს და მის სიცოცხლეს საფრთხე ემუქრება!
კარგად დაფიქრდით, რას ვამბობ:
ხელისუფლებას 2 გზა აქვს თავის გადარჩენის:
1.მიშას გაბანძება, რაც არ გამოსდის;
2.მიშას მოშორება, თუ ეს ოპოზიციის მიმართ რისხვას, საზოგდოების მხრიდან ზურგშექცევას და ყველაფერზე ხელის ჩაქნევას გამოიწვევს.
თუ ხელისუფლებას ეცოდინება რომ მიშას მოშორება მუხტს ჩააქრობს, ერთობას დაშლის და საზოგადოებას ოპოზიციის მიმართ მტრულად განაწყობს, ის მოკლავს მიშას! ამაშია ამ ხელისუფლების ხსნა და ჩვენი სიბრძნეც სწორედ ის უნდა იყოს, რომ ამ ბოროტებას ეშინოდეს მიშას სიკვდილის, ზუსტად ისე და კიდევ უფრო მეტად ვიდრე დღეს ეშინია ცოცხალი მიშასი! ეშინოდეს და არა იმედი ჰქონდეს რომ მისი მოშორებით ჩვენ დაგვშლის, ერთმანეთზე დაგვგეშავს და მორალურად გაგვანადგურებს – ეს უნდათ ზუსტად!
ამიტომ, სწორედ ამიტომ, ვისაც რა პრეტენზიები არ უნდა გვქონდეს ერთმანეთთან, სამართლიანი, უსამართლო, არ მოგვწონდეს ოპოზიცია მიშას პარტიის ჩათვლით, არ გვაკმაყოფილებდეს მათი აქტიურობა და ა.შ. რაც არ უნდა იყოს, სწორედ იმიტომ რომ მიშა გადარჩეს, რაც ყველას ერთნაირად გვინდა, სწორედ ამიტომ – ხელისუფლებამ უნდა იცოდეს რომ მიხეილ სააკაშვილის პატიმრობაზე, შიმშილობაზე და ყველაფერზე რაც შეიძლება მოხდეს, პასუხს აგებს მხოლოდ ხელისუფლება და მიიღებს ბევრად უარეს დასასრულს, ვიდრე დღეს ელოდება!
ხელისუფლებას უნდა ეშინოდეს და არა იმედი ჰქონდეს მიშას მოშორების!
აი ეს გვახსოვდეს და ასე მივიდეთ ხვალ, პრინციპში უკვე დღეს, 24 ოქტომბერს, რუსთავის ციხესთან! ხვალამდე“
კომენტარები