“მნიშვნელოვანია, რომ გაძლიერება ორმხრივი იყოს” – ზელენსკი საუდის არაბეთშია

უკრაინის პრეზიდენტი ვოლოდიმირ ზელენსკი საუდის არაბეთში ჩავიდა.

ამის შესახებ სოციალურ ქსელში თავად წერს.

„საუდის არაბეთში ჩავედი, სადაც პრინც მოჰამედ ბინ სალმან ალ საუდს შევხვდები.

გუშინ, ევროპელ ლიდერებთან შეხვედრაზე, მივიღეთ ფინანსური გარანტიები ჩვენი მდგრადობისთვის. დღეს წინსვლა გვაქვს საუდის არაბეთთან უსაფრთხოების, ენერგეტიკისა და ინფრასტრუქტურის სფეროებში შეთანხმებების მიღწევისთვის..

მნიშვნელოვანია, რომ გაძლიერება ორმხრივი იყოს. ვაფასებ ჩვენს ქვეყნებს შორის არსებულ არსებით თანამშრომლობას.”