სინდისის პატიმარი რეზო კიკნაძე თანამებრძოლებს აღდგომას ულოცავს. წერილში, რომელიც მან საპატიმროდან გამოაგზავნა, კიკნაძე წერს, რომ ვიდრე გვერდით თანამებრძოლები ეგულება, ექნება რწმენა, რომ ქართველი ხალხი სახელოვნად გაიმარჯვებს.
“ქრისტე აღდგა! გილოცავთ აღდგომის ბრწყინვალე დღესასწაულს! წინა წელს ქაშვეთის ეკლესიის წინ შევხვდი ჩემს თანამებრძოლებთან ერთად, ახლაც თანამებრძოლებთან ერთად ვხვდები, ოღონდ სხვა ადგილას.
სანამ გვერდით თანამებრძოლები მეყოლებიან, იქამდე მჯერა, რომ გავიმარჯვებთ და ჩვენი გამარჯვება სახელოვანი იქნება. ხანდახან უნდა დაეცე, რათა წამოდგომა ისწავლო, უნდა მოკვდე, რათა აღდგე, აღდგე ჭეშმარიტად და გახდე სიკვდილითა სიკვდილისა დამთრგუნველი!,– წერს რეზო კიკნაძე.
კომენტარები