“მიშასთვისაც მიეცათ თანამდებობა, კაცი ციხეში დაჯდა და ჩრდილოვან კაბინეტში ვერ დაჯდებოდა?” – ლევან ნიკოლეიშვილი

ანალიტიკოსი ლევან ნიკოლეიშვილი სოციალურ ქსელში ოპოზიციის მიერ ჩრდილოვანი კაბინეტის დაკომპლექტების თემას ეხმაურება და წერს:
„გუშინ, მელიამ მამუკა ხაზარაძე, თავისი ჩრდილოვანი კაბინეტის პრეზენტაციაზე მერის მოადგილედ წარადგინა: უნდა გენახათ რა გახარებული იყო “ლელო”-ს ლიდერი გეგონება მართლა მერის მოადგილე დანიშნეს.“

ანალიტიკოსი აღნიშნავს, რომ „ნაციონალური მოძრაობისა“ და მამუკა ხაზარაძის სიყვარული ახლა არ დაწყებულა.
„როგორც იქნა აღიარეს „ნაციონალებმა,“ თუმცა ეს სიყვარული და აღიარება გუშინ არ დაწყებულა, მას ჯერ კიდევ სააკაშვილი აღიარებდა და ახასიათებდა.
 ისე, ცალკე ნიაკანორი და ცალკე მამუკა ხაზარაძე ცოტა თავშეკავებულები თუ იქნებიან ცუდი არ იქნება – ბელადი სააკაშვილი, მათ გამო შემოიპარა, დაიჭირეს, ციხეში ზის, შიმშილობს და ესენი არც კი ეკითხებიან არაფერს, დავიჯერო ეს უდიდესი საკადრო გადაწყვეტილება მასთან შეთანხმებულია?

ბოლოს და ბოლოს მიშასთვისაც მიეცათ ერთი თანამდებობა, კაცი ციხეში დაჯდა და ჩრდილოვან კაბინეტში ვერ დაჯდებოდა? გაუხარდებოდა მაინც! ეს არის თქვენი სოლიდარობა?“- წერს ლევან ნიკოლეიშვილი.

ცნობისათვის, თბილისის მერობის კანდიდატმა ნიკა მელიამ, გუშინ თბილისის მთავრობის ჩრდილოვანი კაბინეტი წარადგინა.
ნიკა მელიას გამარჯვების შემთხვევაში, მერის მოადგილე მამუკა ხაზარაძე იქნება.