ვეთანხმები ედუარდ სააკაშვილს და მეც მიმაჩნია, რომ მიშა ოპოზიციაში ბევრს საკუთარი წონის გასაზრდელად და მიზნების მისაღწევად სჭირდება – ამის შესახებ „ტაბულას“ მთავარი რედაქტორი თამარ ჩერგოლეიშვილი სოციალურ ქსელში წერს.
„მე ვეთანხმები ედუარდ სააკაშვილის დაკვირვებას და მეც მიმაჩნია, რომ მიშა ოპოზიციაში ბევრს საკუთარი წონის გასაზრდელად და საკუთარი მიზნების მისაღწევად სჭირდება და მას, როგორც ადამიანს არ ხედავს. ბევრს მართლა ეგონა, რომ სააკაშვილის გამოჩენაზე ბიძინა კანკალს დაიწყებდა, გაიქცეოდა და ისინიც დაიბრუნებდნენ ასე ნანატრ “პალაჟენიას”. ამან გამოიწვია ბევრი უბედურება – მიშას უნარების მითოლოგიზაციის ჩათვლით. ამან გამოიწვია არასწორი მოლოდინების გაჩენაც. მიშა რომ თავის შვილს არ ეთანხმება, ეგ გასაგებია – მიშა ზოგადად უარს ამბობს რეალობის დანახვაზე და ურჩევნია იმ ილუზიებში იყოს, რაც მას სიამოვნებს. ურჩევნია ეგონოს, რომ ეს ხალხი მას ეთაყვანება“- წერს თამარ ჩერგოლეიშვილი სოციალურ ქსელში.
ცნობისთვის, მიხეილ სააკაშვილის ვაჟმა, ედუარდ სააკაშვილმა, “რადიო თავისუფლებასთან” საუბრის დროს აღნიშნა, რომ ოპოზიციის ზოგიერთი წარმომადგენლის განცხადება და ქცევა მის გულისწყვეტას იწვევს.
“ძალიან მაშფოთებს და მართლა შემზარავია ოპოზიციის მხრიდანაც ამაზე საუბარი, როცა მესმის … – აი, თქვენ არ იცით რა მოხდება… რას დავატრიალებთ… – ფაქტობრივად ნებსით თუ უნებლიეთ, ვიღაცებს მოთხოვნილება უჩნდებათ – “ვა, რა მაგარი იქნება, ეს მართლა რომ მოხდეს, ახლა რა მაგარ რაღაცებს გავაკეთებთ, მორალური უპირატესობა გვექნება… და ამათ დედას ვუტირებთ… – მე აქ არაფერს კონსპირაციულს არ ვამბობ, უბრალოდ, თუნდაც, ტელევიზიიდანაც ასე ჩანს, ვიღაცებში გამოიკვეთა ტენდენცია, რომ შეიძლება მართლა ურჩევნიათ – მკვდარი თუ ცოცხალი”, – ამბობს ედუარდ სააკაშვილი გოგი გვახარიასთან ინტერვიუში.
კომენტარები