“გირჩის” ერთ-ერთი ლიდერი, იაგო ხვიჩია, ტვ პირველთან, მიხეილ სააკაშვილის ბოლოდროინდელ განცხადებებს ეხმაურება და ამბობს:
ნაცების ბელადი ყოველთვის იყო მიშა და უცბად, რაღაცა ხელოვნურმა ოპოზიციამ, რომელსაც ქოცები აფინანსებენ… 10 მილიონი ხომ დაადასტურა გვარამიამ და წარმოიდგინეთ 10 მილიონის შოვნა ამ ქვეყანაში ბიძინას გარეშე, მიშაც აძახებს ახლა, ეს ხომ არასერიოზულია?
მე მინდა მიშას განცხადებასაც გამოვეხმაურო, მგონი, ძლივს აზრზე მოდის სააკაშვილი, ციხე ძალიან მოუხდა მის შემოქმედებას აშკარად, იმიტომ რომ მიშამ რაც თქვა გუშინ, რამდენი ხანია მე მაგას ვიძახდი, მაგის გამო ვარ დაბლოკილი ტელევიზიებში, მაგის გამო მეძახდნენ ქოცს და ათას უბედურებას და გამოვიდა მიშა და თქვა ერთი–ერთში იგივე, ცხადია იქ რაღაცა ნაწილები თავის გემოზე დაალაგა, მაგრამ ფაქტები ერთი–ერთშია, რომ 2016 წელს ბიძინა ივანიშვილმა პირველად მოისყიდა ხალხი, ვინ მოისყიდა, თქვენ ჩემზე კარგად იცით, 2018 წელსაც და ესეც კარგად იცით, რომ მეტწილად იგივე ხალხია… ეს თქვა სააკაშვილმა, პირდაპირ ჯერ სახელებს არ ამბობს, მოდი, ვაცადოთ, ახლა იწყებს კაცი.
მერე თქვა 2024 ის ამბავი, გილაურის და მერე რაც თქვა, ეს კოალიციურობანა და მაიმუნობა უნდა მოვრჩეთო. ამ ყველაფერს ხომ სულ ვამბობდით? რომ მიშას ლილიპუტები არაფერ შუაში არიან, რომ ნდობა, თითქოს სააკაშვილი არ იქნება ერთპიროვნული მმართველი – სასაცილოა.
მოდით, მივიღოთ ფაქტი, ნაცმოძრაობის ლიდერი არის მიხეილ სააკაშვილი, იქ არიან ვიღაცეები, რომლებიც პერიოდულად ღალატობენ და მერე ურიგდებიან მიშას, მიშაც ლოიალურია ამ მოღალატეებს მიმართ, იმიტომ რომ ამბობს, კაი, მორჩით, ბიძინასგან ამ პატარ–პატარა ფულების აღებას, ვითომ პატარ–პატარა კომპრომისების სანაცვლოდ და მოდი, ახლა მართლა დავიწყოთ ბრძოლაო.
ის ხომ არ ეუბნება გვარამიას, რომ მე შენ ვერ გაპატიებ, რომ მიღალატე, ან ხომ არ ეუბნება ბოკერიას, რომ მე შენ ვერ გაპატიებ ღალატს – არა. ეს მისი სამუშაო ტაქტიკაა. მთავარი, რასაც გულწრფელად ამბობს, არანაირი კოალიციური მმართველობა, არანაირი მაიმუნობა, მე ვარ ერთადერთი და მოდით, შემომიერთდით, ვისაც გინდათ. პრინციპში სწორია, აქამდეც უნდა ექნა ეგ.
არანაირი სხვა პარტია არ არსებობს, ამ ქვეყანაში არსებობს სამი პარტია, ქოცები, ნაცები და გირჩი და მიხეილ სააკაშვილს უწევს პასუხისმგებლობა ახლა იმაზე, რომ თავის დროზე არ აღიარა ეს. 2024 წლის არჩევნების წინ ხომ ამას ვეუბნებოდით? – მიშა, შენს ხმებზე ნადირობენ, შენს ხმებს იპარავენ…
მე ვფიქრობ, მიშამ დაიწყო მიხვედრა, რომ ეს არანაირად მისი ალიანსი არ არის, ეს არის მოღალატეების ალიანსი და ფინანსდება ქართული ოცნების ფულით. ამ ხალხში შევიდა მიშა იმ იმედით, მაინც ჩემი იქნება, სადაც მე ვიქნები ალიანსშიო, მაგრამ იქ დაუპირისპირდნენ ჩერგო, გვარამია, ვიღაცეები და მიშას ხმის ამოღების უფლება არ მისცეს. ახლა მიშაზეა არჩევანი, ბოლომდე მოვა გონზე და იტყვის რომ, ის კი არა, არ გავდივარ ალიანსიდანო, არამედ ის, რომ არანაირი ალიანსი არ არსებობს, ესენი არიან ქოცებისგან დაფინანსებული სატელიტები…
აი, გახარიას ქეისი ხომ გახსოვთ? გახარია რომ წავიდა და ბიძინამ რომ მოღალატედ გამოაცხადა ერთ თვეში წასვლიდან? ხომ იმუშავა ამ ტაქტიკამ და ხომ არ შეგვიძლია ახლა ვთქვათ, რომ სწორად არ მოიქცა? – პირიქით, ბიძინა ივანიშვილი სწორად მოიქცა და მისი ხმები არ გაატანა მის გუნდში დაბუდებულ მოღალატეს. მიხეილ სააკაშვილმა, შეიძლება იმის გამო რომ ციხეში იყო, მე არ ვიცი მიზეზი, მაგრამ მშვიდად უყურა ღალატის პროცესს 2024 წელს, ტაშს უკრავდა – 4,5,9,25–იო და 4,5,9,25 იყო მის წინააღმდეგ. მე ასე მჯერა, რომ შეპირდნენ, გამოგიშვებთ, მიშა, ოღონდ გვაჩუქე ეს არჩევნებიო, მაგრამ სრულიად გაუგებარი იყო ეს.
კომენტარები