“ჩემთვის არის ყოვლად მიუღებელი ის ფაქტი, რაც გუშინ მოხდა და მინდა ეს ფაქტი საჯაროდ დავგმო” – ამის შესახებ პრემიერ-მინისტრმა ირაკლი ღარიბაშვილმა გუშინ განვითარებულ მოვლენებთან დაკავშირებით ჟურნალისტებს განუცხადა.
პრემიერ-მინისტრის თქმით, დაისჯება ყველა, ვინც გუშინ გამართული აქციის დროს ჟურნალისტებზე იძალადა.
“კატეგორიულად მიუღებელია ის, რაც გუშინ მოხდა. ჟურნალისტებზე ძალადობა, რა თქმა უნდა, არის მიუღებელი და ეს დასაგმობია. შინაგან საქმეთა სამინისტრო მუშაობს ძალიან აქტიურად, დღეს 3 პირი დააკავეს, გუშინაც დააკავეს რამდენიმე ადამიანი ადმინისტრაციული წესით, ყველა პირის იდენტიფიცირება მოხდება და რა თქმა უნდა ყველა იქნება დასჯილი, ვინც ეს ძალადობა ჩაიდინა” – განაცხადა ირაკლი ღარიბაშვილმა.
კომენტარები