„მინდა „ნადიმზე“მოგიწვიოთ, დაგეხმარებათ პანდემიის დროს…“ – მეუფე ნიკოლოზის მიმართვა საზოგადოებას

ახალქალაქი, კუმურდოსა და კარის მიტროპოლიტი, მეუფე ნიკოლოზი საზოგადოებას „ნადიმზე” იწვევს.

საუბარია არა კულინარიულ ნადიმზე, არამედ სულიერ ნადიმზე. მიტროპოლიტი zoom-ის საშუალებით საჯარო ლექციის გამართვას გეგმავს, სადაც ფილოსოფიასა და რელიგიაზე ისაუბრებს.

შეხვედრა 10 თებერვალს საღამოს გაიმართება და მასში მონაწილეობის მიღება ნებისმიერ მსურველს შეეძლება.

„მომწერეთ ყველამ ვისაც სურვილი გაქვთ, რომ ამ ნადიმს დაესწროთ, მომწერეთ თქვენი საფოსტო მისამართი და მე იქ მიგითითებთ zoom-ის მისამართს და კოდს. ექსპერიმენტია, მაინტერესებს რა გამოვა, თუ გაამართლა მოვიფიქროთ კიდევ ასეთი ღონისძიებები”, – აცხადებს მეუფე ნიკოლოზი.