“მინდა მოვისმინო რა გამოსავალს მთავაზობს ეს თუ ის კანდიდატი და არა ჭორაობა, ცილისწამება, სიბინძურეები” – ექიმი ნარკოლოგი

„რამდენი რამე გველის წინ პოსტკოვიდური პერიოდი და პოსტარჩევნების მერე პერიოდი,“- წერს სოციალურ ქსელში ექიმი ნარკოლოგი ზურაბ სიხარულიძე.
მისი თქმით, არა აქვს მნიშვნელობა ვინ გაიმარჯვებს, მთავარია, რომ ვითარება შეიცვალოს.

„არა აქვს მნიშვნელობა ვინ გაიმარჯვებს. მთავარია ის, რომ ისე როგორც იყო ასე ვერ და ვეღარ გაგრძელდება.
ძველ თუ ახალ არჩეულს აქვს ვალდებულება შეცვალოს ამ ქვეყანაში რაღაცა. ისე როგორც იყო უბრლაოდ ვეღარ იქნება.

მთავარია პოსტკოვიდური პერიოდი და ახალი ტალღის მოლოდინი. რა გაკვეთილები გამოვიტანეთ რა გამოწვევების წინაშე ვდგევართ, ეგ მინდა მოვისმინო ახლა და რა გამოსავალს მთავაზობს ის თუ ეს კანდიდატი და არა ჭორაობა, ცილისწამება, სიბინძურეები, რაც გვესმის ყველას,“- წერს ზურაბ სიხარულიძე.

ექიმი ნარკოლოგი ამბობს, რომ ქვეყანაში ურთულესი პერიოდი იწყება.

„ურთულეს პერიოდში შევდივართ. შერყეული ფსიქიკური ჯანმრთელობა, პოსტკოვიდურ პერიდში მომატებული დეპრესიები, ალკოჰოლიზმი, ახალი ფსიქოაქტიური ნივთიერებები, ძველი და მძიმე ნარკოტიკები და რაც მთავარია ასოციალიზაცია ბავშვებში, მოზარდებში, შიში ახალი კოვიდის ტალღისა, დაღლილობა, უიმედობა.

კოვიდმა თავისი წესები დამკვიდრა და სრული ქაოსი არის დღევანდელ საზოგადოებაში. ამიტომ სიმშვიდე და სიკეთე გვინდა ახლა, ურთიერთპატივისცემა.
ახლა არეულობას და ქაოსს ჩვენი საზოგადოება ვეღარ გადაიტანს . ამიტომ დაფიქრდით და ყველამ გააკეთეთ სწორი არჩევანი,“- წერს ექიმი.