მიხეილ სააკაშვილი გამოეხმაურა ეკატერინე ტიკარაძის გადადგომას და მადლობა გადაუხადა, რომ ის იყო ერთ-ერთი, ვინც კლინიკაში მის გადაყვანას დაუჭირა მხარი.
“კოვიდის მართვის სრული ჩავარდნა აპატია ჯანდაცვის მინისტრ ტიკარაძეს ივანიშვილმა, მაგრამ არ აპატია ობიექტური სპეციალისტების მიერ დაკომპლექტებული სახელმწიფო კომისიის შექმნა ჩემს საკითხზე. ის რომ მან უარი თქვა რატი ბრეგაძის როლი მოერგო და ჩემი ჯანმრთელობის მდგომარეობაზე ყოველგვარი ტყუილები ელაპარაკა, რასაც მას მთავრობა სთხოვდა. ბოლოს ტიკარაძემ შეუერთა თავისი ხმა კლინიკაში ჩემს გადაყვანის მსურველებს.
კოვიდპასპორტები იყო ბოლო წვეთი. ახლაც კარგად აჩვენებს ეს ყველაფერი თუ როგორ არ ადარდებს მთავრობას ადამიანის სიცოცხლეს. მიუხედავად ყველაფრისა, მინდა ჩემგან გადავუხადო ქალბატონ ტიკარაძეს დიდი მადლობა, რომ მან ასეთ რთულ მდგომარეობასა და სიტუაციაში შეინარჩუნა ადამიანობა“, წერს მიხეილ სააკაშვილი წერილში, რომელიც მისმა ექიმმა, ნიკოლოზ ყიფშიძემ გააცნო ჟურნალისტებს.
კომენტარები