ქუთაისის პოლიციის მეორე განყოფილების თანამშრომელს, გივი დანგაძეს ხვალ დაკრძალავენ. თავდაპირველად გავრცელებული ინფორმაცია იმის შესახებ, რომ პოლიციელმა თავი ვალებისა და მძიმე სოციალური ფონის გამო მოიკლა სიმართლეს არ შეესაბამება.
“მთავარი არხი” გარდაცვლილი პოლიციელის ოჯახს უსამძიმრებს.
“მინდა ბოდიში მოვუხადო და სამძიმარი გამოვუცხადო პოლიციელი გივი დანგაძის ოჯახს. რამდენიმე დღის წინ სოციალური ქსელის საშუალებით მოგვწერა ერთ-ერთმა პიროვნებამ, რომელიც ირწმუნებოდა, რომ პოლიციელმა თავი ვალებისა და გაჭირვების გამო მოიკლა. ასევე, ეს წყარო ამბობდა იმასაც, რომ ოჯახი იმდენად გაჭირვებულია, რომ დაკრძალვის ხარჯებთან დაკავშირებით ოჯახს სამართალდამცველები ეხმარებიან, თუმცა როგორც შემდეგ გაირკვა, ეს ინფორმაცია სიმართლეს და სინამდვილეს არ შესაბამებოდა, სწორედ ამიტომ, მე ბოდიშს ვუხდი ოჯახს”, – ამბობს “მთავარი არხის” ჟურნალისტი, ირაკლი ვაჩიბერაძე.
კომენტარები