საინფორმაციო სააგენტო „როიტერი” იტყობინება, რომ საქველმოქმედო აუქციონზე 19 მილიონ დოლარად გაიყიდა სადილობა მილიარდერ უორენ ბაფეტთან
საქველმოქმედო ფონდისთვის ორგანიზებული 21-ე და ბოლო სადილობა უორენ ბაფეტთან eBay-ის აუქციონზე პარასკევს, გვიან ღამით დასრულდა. მყიდველმა, რომლის ვინაობას ჯერჯერობით უცნობია, 2019 წლის აუქციონზე (2020 და 2021 წლებში აუქციონი კორონავირუსის პანდემიის გმო არ ჩატარებულა) კრიპტოვალუტის ბიზნესით დაკავებულ ჯასტინ სანის გადახდილ რეკორდულ 4,57 მილიონ დოლარზე ბევრად მეტი, 19 მილიონი დოლარი გადაიხადა.
შემოსული თანხა მთლიანად ჩაერიცხება სან-ფრანცისკოში მდებარე არაკომერციულ საქველმოქმედო ორგანიზაცია Glide-ს, რომელიც ეხმარება ღარიბებს, უსახლკაროებს ან მათ, ვინც ებრძვის ნარკომანიას. Glide მათ სთავაზობს საკვებს, თავშესაფარს, აივ და C ჰეპატიტის ტესტირებას, პროფესიულ განათლებას და ბავშვთა პროგრამებს.
91 წლის უორენ ბაფეტმა 2000 წლიდან დღემდე გამართულ 21 აუქციონზე Glide-სთვის 53,2 მილიონ დოლარზე მეტი შეაგროვა.
კომენტარები