მიკროსაფინანსო ოგანიზაციაზე თავდამსხმელს ბრალს დღეს წარუდგენენ

თბილისში, წერეთლის გამზირზე მდებარე მიკროსაფინანსო ორგანიზაციაზე თავდამსხმელს ლევან ზურაბაშვილს ბრალს დრეს წარუდგენენ.

აღნიშული განცხადება თავდასხმაში ბრალდებულის ადვოკატმა, “ინტერპრესნიუსთან” საუბრისას გააკეთა.

ადვოკატის ინფორმაციით, მის დაცვის ქვეშ მყოფს ბრალს 14:00 საათზე წარუდგენენ.

შეგახსენებთ, რომ 20 ნოემბერს, თბილისში, წერეთლის გამზირზე მდებარე მიკროსაფინანსო ორგანიზაცია “ემბისის” კუთვნილ შენობაში შეიარაღებული პირი შეიჭრა. პირმა მძევლად 17 ადამიანი აიყვანა.

ამასთან, თავდასხმელმა ლაივ ჩართვაში მოთხოვნები წამოაყენა. შეიარაღებულ პირს მთავრობასთან პოლიტიკური მოთხოვნები ჰქონდა. კერძოდ, შეიარაღებული პირი მოითხოვდა, პარლამენტში პოლიტიკოსები შეიკრიბონ და სამი კანონი მიიღონ.

1) აიკრძალოს საქართველოს მასშტაბით ყველანაირი აზარტული თამაში.

2) ბანკებს მიეცეთ უფლება, 7%-ში გასცენ სესხი, ვისაც არსებული სესხები აქვთ, გადაუტანონ 7%-ში.

3) ფარმაცევტულ კომპანიებს მხოლოდ 10% მოგების უფლება მიეცეთ.