მთავარი არხის ინფორმაციით, რუსთავის მე-12 პენიტენციურ დაწესებულებასთან ამ წუთებში საქართველოს მესამე პრეზიდენტის მხარდამჭერები საპროტესტო აქციას მართავენ. ისინი მიხეილ სააკაშვილთან ექიმების შეშვებას და მისთვის შესაბამისი მკურნალობის გაწევას ითხოვენ.
“მიხეილ სააკაშვილის არის პუტინის პირადი პატიმარი. რუსი ოლიგარქი კრემლის ინტრუქციას ასრულებს და შესაბამისად, მის წინააღმდეგ გამოიყენა ყველა ის სადამსჯელო მექანიზმი, რომ ეს ადამიანი დაუძლურდეს, მაქსიმალურად დისკომფორტი შეექმნას და ის, რომ პირად ექიმს არ უშვებენ მასთან, არის კატასტროფა. ჩვენ ყველაფერი უნდა გავაკეთოთ, რომ სისტემა ვაიძულოთ, ელემენტარული ყოფითი და მისი ის ძირითადი უფლებები იყოს დაცული, რაც ყველა პატიმართან მიმართებაში უნდა დაიცვას სახელმწიფომ”, – თქვა სამოქალაქო აქტივისტმა, გიორგი მუმლაძემ.
ცნობისთვის, უკვე თვეზე მეტია მიხეილ სააკაშვილთან პირად ექიმს და კონსილიუმის წევრებს არ უშვებენ.
კომენტარები