საქართველოს მესამე პრეზიდენტი, მიხეილ სააკაშვილი მე-13 დღეა შიმშილობს. ადვოკატების ინფორმაციით, მას გადაადგილება უჭირს და ხანგრძლივი შიმშილობა უკვე მოტორიკაზეც აისახება. პატიმრის სანახავად სპეციალურ საშვს პირადი ექიმი, ნიკოლოზ ყიფშიზე 3 დღეა ელოდება. ის მიხეილ სააკაშვილს, სავარაუდოდ, დღეს მოინახულებს.
“თუ მომცეს საშვი აუცილებლად ვინახულებ და დაველაპარაკები ჯერ პრეზიდენტს, მოვიკითხავ, ვნახავ როგორია მისი მდგომარეობა ჯანმრთელობის მხრივ. ამის შემდეგ, აუცილებლად უნდა ვნახო ციხის ექიმები და გავიაროთ ბოლო ანალიზების შედეგები. ამის შემდეგ შეიძლება დამჭირდეს ციხის უფროსი ექიმის ნახვა ან ტელეფონით გასაუბრება”, – თქვა ნიკოლოზ ყიფშიძემ.
ამასთანავე, მიხეილ სააკაშვილს დღეს ადვოკატები კიდევ ერთხელ მოინახულებენ.
კომენტარები