მაგნიტსკის სიის ავტორის ბილ ბროუდერის ინფორმაციით, მიხეილ სააკაშვილთან დაკავშირებით მაგნიტსკის სიაზე მუშაობა დასკვნით ეტაპზეა.
ამასთან დაკავშირებით ბროუდერმა “მთავარ არხთან” ინტერვიუში ისაუბრა. მისი თქმით, სიაში შევლენ ადამიანები, რომლებიც დადასტურებულად ჩართული იყვნენ მიხეილ სააკაშვილის წამების საქმეში. ბროუდერის ინფორმაციით, მტკიცებულებების მოგროვების შემდეგ, ის დოკუმენტებს აშშ-სა და სხვა ქვეყნების მთავრობებს გადასცემს.
“მიხეილ სააკაშვილის მდგომარეობა უკიდურესად შემაშფოთებელია. როგორც გავიგე, ის პერიოდულად გონებას კარგავს და მისი ჯანმრთელობა უარესდება. წონა იკლებს და არსებობს საბაბი ვიფიქროთ, რომ ის კვდება საქართველოს მთავრობის პატიმრობაში, ამიტომ მნიშვნელოვანია, რომ ის გათავისუფლდეს და გაემგზავროს სამკურნალოდ. რა თქმა უნდა, მაგნიტსკის სანქციები ძალიან მნიშვნელოვანი ინსტრუმენტია ამ პროცესში და საქართველოს მთავრობამ უნდა გაიგოს, რომ ის არის პასუხისმგებელი სააკაშვილის ჯანმრთელობაზე და თუ ის მოკვდება ამას მოჰყვება კატასტროფული შედეგები მთავრობისთვის და ადამიანებისთვის, რომლებიც ჩართული არიან ამ საქმეში. სიაში შეყვანილი იქნებიან ადამიანები, რომლებიც დოკუმენტურად დადასტურებული ფაქტების მიხედვით ჩართული იყვნენ მიხეილს სააკაშვილის წამებაში, მისთვის სამედიცინო დახმარების უარის თქმაში. ეს იქნება ძალიან კონკრეტული სია, რომელიც დაფუძნებული იქნება მტკიცებულებებზე. როგორც კი ამ მტკიცებულებებს მომაწვდიან, მე ვიმუშავებ აქტიურად, რომ ისინი მივაწოდო ამერიკისა და სხვა ქვეყნების მთავრობებს, რათა ეს ადამიანებიც დაამატონ მაგნიტსკის სიას”, – თქვა ბილ ბროუდერმა.
კომენტარები