მიხეილ სააკაშვილი პუტინის პატიმარია, – ამის შესახებ საქართველოს მეოთხე პრეზიდენტმა გორის სამხედრო ჰოსპიტლიდან გამოსვლის შემდეგ განაცხადა. გიორგი მარგველაშვილის თქმით, რუსეთის პრეზიდენტის ინტერესშია, რომ მიხეილ სააკაშვილი ქართველების ხელით იყო გამოკეტილი.
შეხვედრის ძირითადი ნაწილი ჩვენ ვსაუბრობდით იმ უსაფრთხოების გარემოზე, რაც საქართველოს წინაშე არის ამ დღეებში. დეტალურად გავუზიარეთ ერთმანეთს და მიმოვიხილეთ საქართველოს ირგვლივ შექმნილი ძალიან რთული გეოპოლიტიკური მდგომარეობა, რომლის მთავარი ფაქტორიც არის რუსეთი. რუსეთის ფედერაციის აგრესიული პოლიტიკა რეგიონში, რომელიც უშუალოდ უკავშირდება მათ შორის მიხეილ სააკაშვილისთვის ძალიან ახლობელ უკრაინას და ჩვენთვიოს ყველასთვის ძალიან ახლობელ უკრიანას, ავტომატურად, სარკისებურად არის აისახება საქართველოს უსაფრთხოების გარემოზე. ვსაუბრობდით იმაზე, რომ ჩვენი ვალია როგორც ამ ქვეყნის ყოფილი პრეზიდენტების და ყოფილი მთავარსარდლების, გავიზიაროთ აი, ეს ღრმა შეშფოთება და ქალბატონ სალომესთან ერთად როგორც ასევე მთავარსარდალთან ჩვენი ქვეყნისა და პრეზიდენტთან, ვიღვაწოთ იმ მიმართულებით, რომ მთელ აი, ამ დაპირისპირებას, რაც ჩვენს შორის არსებობს შეიძლება ძალიან მძიმე გამოწვევა დაუდგეს წინ, სადაც ჩვენ ყველას უნდა გვქონდეს ფუნდამენტი და საფუძველი გაერთიანებისა ერთი გამოწვევის წინააღმდეგ. ამ თვალსაზრისით მე მინდა ხაზი გავუსვა, რომ ჩემთვის ადამიანი, რომელიც აქ არის პატიომრობაში, ჩემთვის არის ხაზგასმით პუტინის პატიმარი და ამას უნდა გავუსწოროთ თვალი, რომ ჩვენს საქართველოში პუტინთან დაპირისპირებაში ერთ-ერთი გამორჩეული ადამიანი და პოლიტიკოსია არა მარტო საქართველოს კონტექსტში. რამდენიც არ უნდა გვქონდეს ჩვენ უთანხმოებები ერთამენთთან ან წარსულში ან მომავალში, პუტინის ინტერესშია, რომ ეს ადამიანი იყოს ქართველების მიერ დაპატიმრებული, – განაცხადა მარგველაშვილმა.
გიორგი მარგველაშვილმა მიხეილ სააკაშვილი გორის სამხედრო ჰოსპიტალში ცოტა ხნის წინ მოინახულა.
ტვ პირველი
კომენტარები