საქართველოს ექსპრეზიდენტის, მიხეილ სააკაშვილი სააკაშვილის ადვოკატი, შალვა ხაჭაპურიძე ყოფილ პრეზიდენტთან შეხვედრის თაობაზე ლევან იოსელიანის მიერ გამოხატულ მზადყოფნას გამოეხმაურა და განაცხადა, რომ სააკაშვილი ომბუდსმენთან შეხვედრისთვის მზადაა.
ხაჭაპურიძის თქმით, ლევან იოსელიანი ყოფილი პარლამენტარია და მას ესმოდა, თუ რა განცხადებები კეთდებოდა სააკაშვილის ჯანმრთელობის მდგომარეობასთან დაკავშირებით, რის გამოც, მან თავად უნდა ნახოს ყოფილი პრეზიდენტის მდგომარეობა.
„ძალიან კარგია, რომ ეს სურვილი გამოთქვა. ამ განცხადების შემდეგ, სააკაშვილი არ მინახავს, თუმცა, დარწმუნებული ვარ, ის ამ პოზიციას მიესალმება. წინააღმდეგი რატომ იქნება? ის მზად არის ნებისმიერ კომისიას, ნებისმიერ ექსპერტს, მითუმეტეს, სახალხო დამცველს შეხვდეს, ნახოს სახალხო დამცველმა. ერთი წელიწადია ამბობენ, სააკაშვილი ავად არ არისო, პარლამენტარი იყო სახალხო დამცველი, ისმენდა პარლამენტში რა განცხადებებიც კეთდებოდა, მივიდეს და თავად ნახოს, რა მდგომარეობაში იმყოფება ქვეყნის მესამე პრეზიდენტი, ნებისმიერ დროს შეუძლია ეს ვიზიტი განახორციელოს“, – განაცხადა ხაჭაპურიძემ „ინტერპრესნიუსთან“.
კომენტარები