მიხეილ სააკაშილი Facebook-ზე ვიდეო მიმართავს აქვეყნებს და ამბობს, რომ ბათუმში იმყოფება:
„ეს არის ჩემი ბათუმი,“- ასე იწყებს საქართველოს მესამე პრეზიდენტი მიხეილ სააკაშვილი ვიდეომიმართვას, რომელიც ამ წუთებში გაავრცელა და რომლითაც ქართველ საზოგადოებას 2 ოქტომბერს არჩევნებში მონაწილეობისაკენ და 3 ოქტომბერს რუსთაველზე შეკრებისაკენ მოუწოდა.
„ჩვენი ვალია მივიდეთ 2- ში აჩევნებზე, მივცეთ ხმა და 3- ში უნდა გავავსოთ რუსთაველი, თავისუფლების მოედანი და თუ ვიქნებით 100 000 ადამიანი, ჩვენ ვერავინ დაგვამარცხებს,“- განაცხადა სააკაშვილმა
ვიდეომიმართვაში ექსპრეზიდენტმა გააკრიტიკა მოქმედი ხელისუფლება და ამომრჩეველს მოუწოდა ხმა მისცეს არა “ქართულ ოცნებას“ ან გახარიას პარტიას, არამედ ხმა მისცეს „ნაციონალურ მოძრაობას“ ან როგორც თავად აღნიშნა „პატარა პატიოსან პარტიებს.“
„აქ უნდა ყოფილიყო ჩემი ბათუმის უნივერსიტეტი, ვაქცინაც გვექნებოდა, არც კოვიდით დაგვეხოცებოდა ამდენი ხალხი,“- განცხადა სააკაშვილმა.
ექსპრეზიდენტმა ვიდეომიმართვაში ხაზი გაუსვა, რომ საქართველოში საზოგადოების მხარდაჭერის იმედით ჩამოვიდა.
„აბა თქვენ იცით, თქვენს იმედზე ვარ. ყველაფერი გავრისკე სიცოცხლეც, თავისუფლებაც, ყველაფერი, რათა ჩამოვსულიყავი.
მიდით არჩევნებზე, ნუ შეგეშინდებათ, ხელებს ნუ ჩამოუშვებთ, ყველაფერი გამოგვივა. მომავალ შეხვედრამდე თბილისში,“- განცხადა მიხეილ სააკაშვილმა.
კომენტარები