„ნაციონალური მოძრაობის“ პოლიტიკური საბჭოს საბოლოო ფორმირებისა და ადგილებზე პარტიული ორგანიზაციების სტრუქტურების საბოლოოდ ჩამოსაყალიბებლად, ყველა რაიონულ ორგანიზაციაში, კერძოდ, 63 მუნიციპალიტეტში, არჩევნები განსაზღვრული გრაფიკით, 17-20 მაისს ჩატარდება.
აღნიშნულის შესახებ ცნობილი “ნაციონალური მოძრაობის” თავმჯდომარის, ლევან ხაბეიშვილის განცხადებიდან გახდა, რომელიც მან, რამდენიმე დღის წინ გააკეთა.
ხაბეიშვილის ამ განცხადების შემდეგ, პარტიის რაიონული ორგანიზაციების თავმჯდომარეები, სოციალურ ქსელში, პირად გვერდებზე აქვეყნებდნენ ინფორმაციას, დაკავებული თანამდებობის დატოვებასთან დაკავშირებით.
“ნეციონალური მოძრაობის” წალენჯიხის რაიონული ორგანიზაციის თავმჯდომარემ, ავთანდილ გაბელიამ დაკავებული თანამდებობის დატოვებასთან დაკავშირებით ინფორმაცია დღეს გაავრცელა.
ცნობისთვის, „ნაციონალური მოძრაობის“ რაიონული ორგანიზაციების თავმჯდომარეობის კანდიდატთა რეგისტრაცია 4 მაისს დაიწყო და დღეს დასრულდა.
“თაიმერის” ინფორმაციით, პარტიის რაიონული ორგანიზაციის თავმჯდომარეობისთვის მამუკა ქარდავა და ბაჩო ქანთარია იბრძოლებენ. ასევე, პარტიის კულუარებიდან ცნობილი ხდება, რომ პარტია მხარს მამუკა ქარდავას კანდიდატურას უჭერს.
ინფორმაცია იმის შესახებ, რომ “ნაციონალური მოძრაობის” წალენჯიხის რაიონული ორგანიზაციის თავმჯდომარე, წალენჯიხის მერი, გიორგი ხარჩილავა ხდება, სინამდვილეს არ შეესაბამება, რადგან ხარჩილავა უკვე არის პარტიის პოლიტსაბჭოს წევრი. ის, არც რაიონული ორგანიზაციის თავმჯდომარეობის მსურველთა სიაში არ ყოფილა და შესაბამისად, არც რეგისტრაცია გაუვლია.
კომენტარები