“მგონი, ყველანი კარგად ხვდებით, რომ ეს საკითხი არის, ხელისუფლების მხრიდან გადასაწყვეტი” – იოსელიანი

სახალხო დამცველი, ლევან იოსელიანი, გადაცემა რეაქციაში, მიხეილ სააკაშვილის ჯანმრთელობის მდგომარეობაზე, კონსილიუმზე საუბრისას, ამბობს, რომ იმ შემთხვევაში, თუ კონსილიუმის დასკვნის მიხედვით, მიხეილ სააკაშვილის ჯანმრთელობას ემუქრება საფრთხე, იმისათვის, რომ სახალხო დამცველი ღიად ჩაერიოს, “მხარეები უნდა იყვნენ ამით დაინტერესებულნი”. ომბუდსმენი ამბობს, რომ ასე უწერია კანონში და დასძენს:

“მგონი, ყველანი კარგად ხვდებით, რომ ეს საკითხი არის, მათ შორის, ხელისუფლების მხრიდან გადასაწყვეტი, მათ შორის პოლიტიკოსების. ომბუდსმენს რაც შეუძლია ამ მიმართულებით, ყველაფერს აკეთებს.”

ლევან იოსელიანმა კითხვას, არის თუ არა მიხეილ სააკაშვილი პოლიტპატიმარი, არ უპასუხა და განაცხადა, რომ სანამ სახალხო დამცველი არ იყო, აკეთებდა პოლიტიკურ განცხადებებს, ხოლო ამჯერად, ის პრინციპულად აღარ უპასუხებს ამ კითხვას.