ძალიან სამწუხაროა, რომ საქართველოს ეკლესიის ისტორიაში დარჩება მეუფე ნიკოლოზის, ქართული ეკლესიის წმინდა სინოდის წევრის განცხადება, რომელიც კონსტიტუციის დონეზე საქართველოს ეკლესიის გაძლიერებასთან დაკავშირებით ხელისუფლების შეთავაზებას სასაცილოდ იგდებს და მას არასერიოზულად იღებს.
მაშინ, როდესაც საქართველოს სახელმწიფოს და ქართულ ეკლესიას საჯაროდ და პირდაპირ ებრძვიან, როდესაც რადიკალური ოპოზიციის უდიდესი ნაწილი უპირისპირდება პატრიარქს, მოღალატედ აცხადებს ერეკლე მეორეს და ქართველ მეფეებს, მაშინ როდესაც ოპოზიციის დიდი ნაწილი აკრიტიკებს საქართველოს ხელისუფლებას, იმიტომ, რომ კონსტიტუციური შეთანხმების საფუძველზე ბიუჯეტიდან აფინანსებს ეკლესიას, ამ დროს მეუფე ნიკოლოზი საუბრობს იმ პარტიებსა და ძალებზე, რომლებიც ემხრობიან საქართველოს კონსტიტუციაში ოჯახური ღირებულებების დაცვის შესახებ ჩანაწერის გაკეთებას და კაცების გათხოვება დაკანონდეს.
კომენტარები