ქართველი კაცი, რომელსაც ამერიკაში 11 იანვრიდან ეძებდნენ, გარდაცვლილი ნახეს. არსებული ინფორმაციით, 35 წლის ზუგდიდელი თორნიკე კვარაცხელია ფილადელფიაში ავტოსაგზაო შემთხვევის შედეგად დაიღუპა.
„შენთან სიკვდილი საიდან მოვიდა თორიკო? შენზე წარსულში როგორ უნდა ვილაპარაკოთ? გული, სული ყველაფერი მტკივა და მიჭირს იმ რეალობის მიღება, რომლის წინაშეც დავდექით. წახვედი და თან გაიყოლე მთელი ჩვენი ბავშვობა და უდარდელი წლები, რომელიც ასე კარგად სწორედ შენ გამო მახსენდება, სწორედ შენ ხდიდი ყველა დღეს პოზიტიურს და სახალისოს, შენ გვიფერადებდი ყველა დღეს სკოლაში. რამდენი ტკბილი მოგონება გვაკავშირებს თორიკო რამდენი… როგორ მენანები, როგორ…” – წერს გარდაცვლილის ახლობელი სოციალურ ქსელში.
თორნიკე კვარაცხელია, რომელიც ამერიკაში 1 წელი იმყოფებოდა, მეუღლე და ორი შვილი დარჩა.
კომენტარები