ცენტრალური ფლორიდის უნივერსიტეტის მეცნიერები მოუწოდებენ საერთაშორისო ასტრონომიულ კავშირს პლანეტების კრიტერიუმები გადახედოს და დაუბრუნოს ეს სტატუსი პლუტონს, რომელიც 2006 წლიდან პლანეტად აღარ ითვლება.
პლუტონს პლანეტის სტატუსი იმის გამო ჩამოერთვა, რომ ის არასაკმარისად მასიურია და საკუთარი ორბიტის ასტეროიდებისგან გაწმენდა არ შეუძლია. მეცნიერების ახალ სტატიაში აღნიშნულია, რომ ორბიტის რაიონში პლანეტის გრავიტაციული დომინირების შესახებ მოთხოვნა არის კრიტერიუმი, რომელიც ეფუძნება არა მეცნიერებას, არამედ „ფოლკლორსა და ასტროლოგიას“.
ასტრონომების მტკიცებით, პლანეტა პირველ რიგში გეოლოგიურად აქტიური კოსმოსური სხეულია და პირველ რიგში, მნიშვნელოვანია მისი სტრუქტურა. მათი თქმით, პლანეტების შესახებ წარმოდგენები 200 წლის წინ შეიცვალა, როცა მოდური გახდა ასტროლოგიური კალენდრები. თავიანთი პოზიციის გასამყარებლად მეცნიერებმა ძუძუმწოვრების მაგალითი მოიყვანეს.
„ძუძუმწოვრები რჩებიან ასეთებად განურჩევლად იმისა, სად ბინადრობენ ისინი – წყალში თუ ხმელეთზე. მთავარია არა ადგილსამყოფელი, არამედ შინაგანი მახასიათებლები“, – აცხადებენ მეცნიერები.
კომენტარები