„ტაბულას“ რედაქტორი, თამარ ჩერგოლეიშვილი:
„2000 წელს სააკაშვილი იუსტიციის მინისტრად დანიშნა შევარდნაძემ.
ვინც პოლიტიკურ პროცესთან ახლოს ვიდექით, ყველასთვის გასაგები იყო რომ სააკაშვილი შევარდნაძის ოპოზიციაში წავა – ურჩ პარლამენტარებს მინისტრებად მისი მოხსნის მიზნით ნიშნავენ, როგორც წესი.
მინისტრობის პერიოდი გუნდის შესაქმნელად გამოიყენა.
ერთ დღეს დამირეკა, PR-ს ვეძებო –
ინგლისური რომ იცოდესო. (მე უკვე ევროპის საბჭოში ვმუშაობდი – სტრასბურგში ვცხოვრობდი).
მეთქი გახსოვს გუდაურში ერთი ბიჭი რომ გაგაცანი, ჩემი ახლობლის ქმარი – გიორგი არველაძე, შენზე გიჟდება – ტახირ არველაძის შვილია, მის ქორწილში შევარდნაძის სადღეგრძელო დალიეს, მაგრამ მაინც შენი ფანია, უცხოეთში ისწავლა მგონი, ინგლისურიც იცის, ძალიან პოლიტიზებულია და რავი – სცადე მეთქი.
ცაცას ნომერი მიეციო.
დავურეკე გიორგის, ცაცას ნომერი მივეცი.
ორ კვირაში მიშა ისევ რეკავს, და გიორგი არველაძემ ერთი ბიჭი მოიყვანა, დათო ქვია, რაღაც მეტსახელს ეძახიანო და ხო არ იცი რა კაციაო – მეთქი კეზერა? აააა ეგ ჩვენი ახლობლის შეყვარებულია, რავი- ნორმალური ბიჭია, საერთაშორისოზე სწავლობს, ჩემს დასთან მეგობრობს და დაიტოვე და შეხედე, რატომაც არა მეთქი.
ამიტომ ნუ გიკვირთ, რომ რაღაცეები ჩემთვის გამჭვირვალეა.
ძალიან დიდი ხანია ძალაუფლების თამაშებს ძალიან ახლო მანძილიდან ვაკვირდები და დასკვნები გამომაქვს.“
კომენტარები