კომპანია Meta აცხადებს, რომ შეერთებული შტატების ექსპრეზიდენტის დონალდ ტრამპის ფეისბუკისა და ინსტაგრამის პროფილებს აღადგენს. ამის შესახებ კომპანიის გლობალური ურთიერთობების პრეზიდენტმა ნიკ კლეგისმა განაცხადა.
„ისევე, როგორც ფეისბუკის ან ინსტაგრამის ნებისმიერი სხვა მომხმარებელი, ტრამპიც ექვემდებარება ჩვენი საზოგადოების სტანდარტებს.
თუ ტრამპი გააგრძელებს კონტენტის გამოქვეყნებას, რომელიც დაარღვევს წესებს, ის წაიშლება და მისი ანგარიში შეჩერდება ერთი თვიდან ორ წლამდე ვადით“, – აღნიშნა კლეგისმა.
დონალდ ტრამპის ანგარიშები სოციალურ ქსელებში კაპიტოლიუმში 2021 წლის 6 იანვრის არეულობის შემდეგ დაუბლოკეს.
კომენტარები