“მესამეჯერ ვარ დამწვარი, იცით?”; “15 წუთში ასეთი დიდი ბაზრობა როგორ დაიწვა?”; “როდის იყო ბეტონს ცეცხლი ეკიდებოდა?” – რას ამბობენ დაზარალებულები

ფოტო – ნეტგაზეთი

ხანძრის შედეგად დაზარალებულები შველას ითხოვენ – მათთან ივანიშვილის ხელისუფლების არცერთი წარმომადგენელი ამ დრომდე არ გამოჩენილა.

ხალხი “ოცნებგას” ბაზრობის დაუყოვნებლივ აღდგენის მოთხოვნით მიმართავს.

დაზარალებულები, ტვ პირველთან ამბობენ:

“ხო არ ჭირდებოდა ეს მთავრობას, ხო არ არის ეს ძალით დამწვარი, ხო ამბობენ ასე, აღადგინონ ისევ ბაზრობა. ჩვენ ჩვენს ადგილებზე დავგდებით. ამდენი ხალხის ცოდვა აქვთ კისერზე. დავტოვოთ ქვეყანა? რა ქვეყანაში ვცხოვრობთ? მესამეჯერ ვარ დამწვარი იცით? დეზერტირებში დავიწვი, ბავშვთა სამყაროში დავიწვი, მესამე ეს. 10 წლის შვილი მყავს აკანკალებს სახლში. აღადგინეთ ბაზრობა. ხო არ ჭირდებათ ეს ტერიტორია, ისევ ჩვენს ადგილებზე დაგვსვით”

“დავრჩი ხელებცარიელი. თუ სპეციალურად არ მოხდა ეს როდის იყო ბეტონს ცეცხლი ეკიდებოდა. მე ვიცი, რომ დღეს არაფერი აღარ მაქვს, ცარიელი ხელებით დავრჩი. რომ შემოვედი სახანძრო მარტო იქით იყო, აქ არ ყოფილა. რომ ყოფილიყო აქ, შეიძლებოდა გადაერჩინათ”

“პურის ფულს ვშოულობდი. მილიონერი ვინ დგას აქ. ყველა გაჭირვებული აქ დგას ხალხო. 15 წუთში ასეთი დიდი ბაზრობა როგორ დაიწვა, ეს არის გასაკვირი, ბომბი ხო არ დაეცა ხალხო”